Ихласлығы уның йөҙөндә

Мораҡ ауылында ғүмер иткән Кәүсәриә Хәли ҡыҙы Бикташева ошо көндәрҙә үҙенең матур ғүмер байрамын билдәләй. Күгәрсендәргә ул уңышлы эшҡыуар, һәр кемгә ихлас, алсаҡ, мөләйем ханым булараҡ билдәле.

Мораҡ ауылында ғүмер иткән Кәүсәриә Хәли ҡыҙы Бикташева ошо көндәрҙә үҙенең матур ғүмер байрамын билдәләй. Күгәрсендәргә ул уңышлы эшҡыуар, һәр кемгә ихлас, алсаҡ, мөләйем ханым булараҡ билдәле.

Федоровка районының Ҡараласыҡ ауылында тыуып үҫкән ҡыҙҙы яҙмыш елдәре Күгәрсен ере менән бәйләй, үҙе әйтеүенсә, беҙҙең яҡтың һоҡланғыс тәбиғәте генә түгел, изге күңелле кешеләре лә әсир итә уны.

Буласаҡ тормош иптәше Урал Ғаяз улы менән Стәрлетамаҡ культура ағартыу училищеһында уҡыған сағында танышалар. Йәшләй генә яҙмыштарын уртаҡ иткән, бер-береһенә булған һөйөү һәм ихтирам хистәрен йылдар аша һаҡлап ҡалған, тормоштоң ағын да, ҡараһын да бергә үткәргән, утты-һыуҙы бергә кискән гүзәл парҙың ғаилә ҡороуҙарына оҙаҡламай 45 йыл тула. Райондың абруйлы ғаиләләренең береһе улар!

Бикташевтарҙың ҡатмарлы туҡһанынсы йылдарҙа эшҡыуарлыҡ менән шөғөлләнә башлауын күптәр иҫләйҙер... Үҙҙәренең бинаһы булмауына ҡарамаҫтан, тырышлыҡтары менән барлыҡ ауырлыҡтарҙы, ҡаршылыҡтарҙы еңеп сығып, уңышҡа табан юл ярҙы улар. Башта асыҡ һауалағы баҙарҙа, аҙаҡ ҡулайлаштырылған вагонда сауҙа иттеләр. Бикташевтарҙың оло хеҙмәте иһә үҙ емештәрен бирҙе: 2010 йылда “Урал”, 2005 йылда “Урал ынйылары”, 2018-ҙә “Планета” магазиндары асылды. Эшендә Кәүсәриә Хәли ҡыҙы һәр кемде үҙенә тартып торорлоҡ йылы мөхит булдырыуға өлгәште, шуға ла был магазиндарҙан кеше өҙөлмәй. Тәбиғәт уны һығылмалылыҡ, тәүәккәллек кеүек һыҙаттар менән бүләкләгән, был сифаттар уға эшендә бик ярҙам итә. Шулай уҡ сабырлыҡ, төплө аҡыл, яуаплылыҡ, алдан күрә белеүсәнлек, кешеләргә иғтибарлы һәм ихтирамлы булыу ҙа хас уға.

Ғаилә бизнесын төҙөгәндәр, әлбиттә, һәр ваҡыт алдағыһын күҙаллай, эште балалар, ейән-ейәнсәрҙәр дауам итер тип өмөтләнә. Бикташевтар ҙа балалары өсөн ныҡлы нигеҙ булдырған, ҙур ейәндәре Айҙар бына инде ике йылға яҡын эшҡыуарлыҡ эшмәкәрлеге менән идара итә. Башҡорт дәүләт университетының иҡтисад факультетын тамамлаған һәм олатаһы менән өлөсәһенең “эшҡыуарлыҡ мәктәбе”н үткән егет яҡындарының ышанысын тулыһынса аҡлаған - эште оло яуаплылыҡ менән алып бара, үҙ идеяларын ҡыйыу рәүештә тормошҡа ашыра. Бикташевтарҙың икенсе ейәне Айнур әлеге мәлдә Башҡорт кооператив техникумының II курсында белем ала, буш ваҡыттарында ул да эшҡыуарлыҡта ярҙам итә.

Кәүсәриә Хәли ҡыҙы өсөн тормошта иң мөһиме, әлбиттә, яратҡан ғаиләһе. Хәҙер инде эштән бер аҙ ғына ситләшкәс, бар ваҡытын тулыһынса ғаиләһенә бағышлай. Яратҡан, үҙе өсөн өҙөлөп торған ире, ҡыҙы, ейәндәре, килене... Улар янында үҙен иң бәхетле ҡатын-ҡыҙ итеп тоя юбиляр.

“Пенсиялағы” тормош күркәм пар өсөн яңы мөмкинлектәр асҡан – бергәләп ял итеү, сәйәхәткә сығыу һ.б. “Ғүмер миҙгелдәренең һәр береһе үҙенсә матур, бай, уларҙы күрә белергә генә кәрәк”, - тиҙәр улар.

Был көндәрҙә юбилярға һәр тарафтан ҡотлауҙар яуа. Сөнки кешелекле, намыҫлы, оло йөрәкле булғаны өсөн уны үҙ иткәндәр, яратҡандар бик күп. Уларға беҙ ҙә ҡушылабыҙ!

Т.КӘРИМОВА.

Читайте нас:

© 2015-2025 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77