Һуңғы ваҡытта аңһыҙ үлем осраҡтары бер-бер артлы йәмәғәтселекте шаңҡыта.
Стәрлетамаҡта урманда йөрөп ятҡан кешеләр башына полиэтилен тоҡсай кейҙерелгән мәйеткә тап була. Ул 17 йәшлек үҫмер булып сыға, эргәһендә елем һауыты табыла.
Республиканың Тәфтиш комитетынан белдереүҙәренсә, йәш кешенең кәүҙәһен табыу факты буйынса тикшереү уҙғарыла. Үҫмерҙең үлемен асыҡлауға судмедэкспертиза тәғәйенләнгән.