Беҙҙе нисек алдайҙар?

Беҙҙе нисек алдайҙар? Бер танышым арыу уҡ ҡына ваҡыт сауҙа өлкәһендә эшләп алды.

Бер танышым арыу уҡ ҡына ваҡыт сауҙа өлкәһендә эшләп алды.

Эсендә йөрөгәс, һатыусыларҙың, супермаркет хужаларының ябай ҡулланыусыны нисек алдағанын үҙ күҙҙәре менән күргән кеше булараҡ, кәңәштәр бирер ине. Бик киң икән ул һатып алыусы иҫәбенә байыу алымдары.

Түбәндәгеләр уның һөйләгәндәренән.

“Полиэтилен моҡсайға үлсәп һалынып, кәштәгә ҡуйылған ярма, макарон изделиелары күп осраҡта 50-100 грамға кәм була”. Кәңәш: “Һатыусының күҙ алдында яңынан үлсәүгә һалып, ауырлыҡтың теүәл булыуын тикшереп ал”.

“Көнбағыш, сәтләүек кеүек ризыҡтарҙың ҡулланыуға яраҡлылыҡ ваҡыты сыҡһа, цехта эшләнгән ялтыр ҡаптарҙы асып, гриппер тип аталған бәләкәй генә полиэтилен һауытҡа тултырабыҙ ҙа яңынан һатыуға сығарабыҙ”. Кәңәш: “Грипперға бүленеп һалынған ҡоро-һары ризыҡты алмаҫҡа тырыш”.

“Ыҫланған балыҡ, колбаса кеүек изделиеларҙың тышҡы йөҙө боҙола башлаһа, губка менән таҙартып, көнбағыш майы менән ялтыратып ҡуябыҙ”. Кәңәш: “Тышы ялтырап торһа ла, мотлаҡ яраҡлылыҡ ваҡытын ҡара”.

“Бер сауҙа нөктәһендә хужабикәм яраҡлылыҡ ваҡыты үткән һөттө балаларға һатырға ҡуша ине. Берәүһенең ата-әсәһе кире килтерһә лә, икәүһенеке килеп йөрөмәй, ти торғайны”. Кәңәш: “Балаларға бәләкәйҙән әйберҙең, ризыҡтың яраҡлылыҡ ваҡытын ҡарап һатып алырға өйрәтергә кәрәк”.

Автор: Г. ВАРИСОВА.

Читайте нас:

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77