Ғаилә байрамына – Бөрөгә!

Быйыл 8 июлдә – Ғаилә, мөхәббәт һәм тоғролоҡ көнөндә – Бөрө ҡалаһында ҙур байрам үтәсәк. Сара ҡаланың иң матур урындарының береһендә – Октябрь майҙанында ойошторола. Янындағы Свято-Троицк соборы тулыһынса балалар ҡарамағында буласаҡ: улар өсөн оҫталыҡ дәрестәре, уйындар, күргәҙмәләр ойоштороу ҡаралған. Бөрөләр һәм ҡала ҡунаҡтары урындағы кәсепселәр ижады менән таныша, уҡ ата, милли ризыҡтар, эсемлектәрҙе тәмләй аласаҡ.