-3 °С
Болотло
Бөтә яңылыҡтар
ЙӘМҒИӘТ
18 Июнь 2019, 00:43
Радий Хәбиров Башҡортостан вахтовиктарын бергә сәй эсергә саҡырҙы
Башҡортостан Башлығы вазифаһын ваҡытлыса башҡарыусы Радий Хәбиров республика Хөкүмәтендәге оператив кәңәшмәлә Мәскәү аэропортында Башҡортостан вахтовиктары менән осрашыуы тураһында һөйләне.
Башҡортостан Башлығы вазифаһын ваҡытлыса башҡарыусы Радий Хәбиров республика Хөкүмәтендәге оператив кәңәшмәлә Мәскәү аэропортында Башҡортостан вахтовиктары менән осрашыуы тураһында һөйләне.
«Йәш, матур егеттәр эргәмә килде. Башҡортостандан, вахта менән эшләйҙәр. Һөйләшеп киттек. Эйе, улар ярайһы ғына аҡса эшләй – беҙҙең предприятиелар ундай хеҙмәт хаҡы тәҡдим итә алмайҙыр, моғайын. Ләкин уларҙың барыһы ла тыуған яҡта эшләргә теләүҙәрен әйтте. Аҙаҡтан кафела эшләгән нәфис ханым менән аралаштыҡ. Баҡтиһәң, ул да – Башҡортостандан икән, Ҡырғыҙ-Миәкә ауылынан. Вахта менән эшләй», — тип һөйләне Радий Хәбиров.
Уның һүҙҙәренсә, вахта миграцияһы темаһы – күп аспектлы һәм күп төрлө. Башҡортостан етәксеһе вахтовиктарҙы бер табынға йыйып, уларҙың тормошо, мохтажлыҡтары, пландары һәм ошондай эштең сәбәптәре тураһында һөйләшергә тәҡдим итте. «Бәлки, улар күпләп тир түккән биләмәләрҙә ниҙер эшләргә мөмкиндер», — тине Радий Хәбиров. «Иҡтисад ҡуҙғалһа, эш хаҡы артһа, вахта миграцияһы күренеше үтер. Ауылдарҙы үҫтереү программаһы ла – кешеләрҙе өйҙә ҡалдырыу ысулы, кеше балалар баҡсаһының да, бөтә тейешле инфраструктураның да яҡында ғына икәнен аңлаһын өсөн», — тип билдәләне Башҡортостан Башлығы вазифаһын ваҡытлыса башҡарыусы Радий Хәбиров.
Башҡортостан хеҙмәт мигранттарының абсолют һаны буйынса беренсе урынды биләй. Яҡынса 150 мең кеше даими рәүештә аҡса эшләргә юллана, 100 меңләгәне — Ханты-Манси автономиялы округы төбәктәренә. Мигранттарҙың күбеһе Башҡортостандың Хәйбулла, Йәрмәкәй, Краснокама, Мәсетле райондарынан, шулай уҡ Силәбе өлкәһе менән сиктәш биләмәләрҙән сыға.
«Башинформ» мәғлүмәт агентлығы, Розалиә Вәлиева/.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77