Пограничник хәтирәһе

Яҙ, ҡояш, күңелдәрҙең наҙға тулған мәле... Ғәҙәти көндөң тынлығын сирена тауышы боҙа. Унынсы пограна заставаһы районында Польша ил һаҡсылары менән бәйләнеш өҙөлгән...

Яҙ, ҡояш, күңелдәрҙең наҙға тулған мәле... Ғәҙәти көндөң тынлығын сирена тауышы боҙа. Унынсы пограна заставаһы районында Польша ил һаҡсылары менән бәйләнеш өҙөлгән... Элемтәселәр ҡоралдарына тотона, хәүефле сигнал урынына йүнәләбеҙ һәм күрәбеҙ – беҙҙең Совет яғынан көслө ташҡын элемтә бағанаһын йыҡҡан. Уны багорҙар менән тартып алабыҙ һәм яр ситенә терәтәбеҙ. Нисек тә торһон өсөн ике яҡтан тарттырабыҙ, әммә тулы һыулы Көнбайыш Буг йылғаһы өҫтөнә тура килгән бағаналар араһындағы тимер сымдар сәнскеле бер йомғаҡҡа әйләнгән һәм уны тағатып алырға тырышыуыбыҙ бер ниндәй ҙә һөҙөмтә бирмәй.

Хәүеф төркөмө прапорщигы сараһыҙлыҡтың көнөнән поляктар менән берлектә элемтә линияһын тергеҙеү өсөн погранотряд командованиеһынан рөхсәт һорарға ҡарар итә. Шул саҡта башҡортҡа хас дыуамаллығым ҡалҡып сыға һәм проводтар буйлап барып, сеймәлгән урынды тағатырға була икәнлеге хаҡында белдерәм. Элемтә ашығыс рәүештә кәрәк, командир ҡул һелтәп, ризалыҡ бирә.

Ташҡын һыуға ҡолап төшмәҫ өсөн тырнаҡтарымды бағанаға батырырҙай булып өҫкә үрмәләйем, өҫкө ике сымға йәбешәм, үксәләрем менән аҫҡыларына баҫам. Сантиметрлап ҡына тигәндәй атлап, йылға уртаһына табан йүнәләм. Аҫҡа ҡарамаҫҡа тырышам, әммә күҙ ситенә боҙло ташҡындың ажарланып аҡҡаны сағыла. 4 миллиметрлы сымдар буйлап китеп барам, улар өҙөлөп киткән осраҡта бер кем дә ҡотҡара алмаясаҡ... Сеймәлгән сымдарҙы тағатып бөткәс, саҡ йылғаға осоп төшмәйем. Ҡабат ярға аяҡ баҫҡансы әсәйем күҙ алдынан китмәй, һанаулы ғына минуттарҙа бар ғүмерем күҙ алдынан үтә. Иптәштәрем минең иҫән-һаҡ ҡотолоуыма, бәйләнештең тергеҙелеүенә шул тиклем шат, күмәкләшеп мине оҙаҡ ҡына күккә сөйәләр...

Әлфир ИШЕМҒОЛОВ.

Бикес ауылы.

Читайте нас:

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77