+16 °С
Болотло
Бөтә яңылыҡтар
ЙӘМҒИӘТ
14 Ғинуар 2019, 18:22
“Өмөтлө ғаилә” өмөттәрҙе аҡланы
Бөрйән һылыуы Линария менән Төпсән егете Венер Фәизовтарҙың ғаилә ҡороуҙарына артыҡ күп тә түгел әле – ни бары бер тиҫтә йыл үткән. Шулай ҙа, ауыл ерендә эш, яҡшы шарттар юҡ тип тормай, тормош ауырлыҡтарын бергә-бергә үткәреп, гөрләтеп донъя көтөп ятҡан был парҙы күптәргә өлгө итеп ҡуйырға булалыр. Һарай тултырып мал аҫрайҙар, йәшелсә-емештең дә ниндәйен генә үҫтермәйҙәр! Бар эшкә лә өлгөр йәштәр нимәгә генә тотонһалар ҙа, ҡарттар әйтмешләй, ҡойоп ҡуялар.
Бөрйән һылыуы Линария менән Төпсән егете Венер Фәизовтарҙың ғаилә ҡороуҙарына артыҡ күп тә түгел әле – ни бары бер тиҫтә йыл үткән. Шулай ҙа, ауыл ерендә эш, яҡшы шарттар юҡ тип тормай, тормош ауырлыҡтарын бергә-бергә үткәреп, гөрләтеп донъя көтөп ятҡан был парҙы күптәргә өлгө итеп ҡуйырға булалыр. Һарай тултырып мал аҫрайҙар, йәшелсә-емештең дә ниндәйен генә үҫтермәйҙәр! Бар эшкә лә өлгөр йәштәр нимәгә генә тотонһалар ҙа, ҡарттар әйтмешләй, ҡойоп ҡуялар.
Ҡотло донъяларына йәнә лә ҡот өҫтәп, дүрт балалары үҫеп килә. Дүртенселә уҡыған иң ҙур улдары Илнар тик яҡшы билдәләргә генә өлгәшә, ауыл клубында эшләп килгән түңәрәктәргә лә ихлас йөрөй. Был бала ипле, ярҙамсыл булыуы менән һоҡландыра. Икенсе улдары Тимур 1-се класта уҡый, ул да күҙҙәренән осҡон сәсеп торған, шуҡ, етеҙ малай. Әтә-әсәһенә, ағаларына иркәләнеп кенә үҫеп килеүсе Сафия, бәләкәйерәк булһа ла, һис ҡурҡып, ятһынып тормай, байрамдарҙа шиғырҙар ятлап, сәхнәгә сыға. Әлегә сәңгелдәктә талпынып ятыусы Артур ҙа улар һымаҡ булдыҡлы булып үҫер, иншә Аллаһ!
Ир яҡшыһы ил менән, тиҙәр. Венер ҙа ауыл тормошонан айырылмай, әлеге көндә ул ауыл старостаһы вазифаһын башҡара. Ә оло инәйҙәр быға тиклем социаль хеҙмәткәр булып эшләгән Линарияның декрет ялынан сыҡҡанын түҙемһеҙләнеп көтә.
2012 йылда үткәрелгән “Һаумыһығыҙ, ауылдаштар!” байрамында Фәизовтарға “Өмөтлө ғаилә” номинацияһы бирелгәйне, был исемде улар тулыһынса аҡланы. Киләсәктә лә уларға тик бәхеттәр насип булһын!
Резеда АЙЫТҠУЖИНА.
Төпсән ауылы.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77