Бөтә яңылыҡтар
ЙӘМҒИӘТ
15 Октябрь 2018, 20:00

Күтәрелде күңелдәр

Быйыл да һәр йылдағыса Өлкәндәр көнөнә бағышланған сара ауыл клубында ойошторолдо. Байрам программаһы өс өлөштән тора ине. Иң тәүҙә йәрминкә булды. Кем бешеренгән, кем бәйләгән әйберҙәр килтергән, сәскә орлоҡтары, көнкүреш кәрәк-яраҡтары ла табырға була ине. Сараға килгән һәр кем үҙенә кәрәк нәмәләрҙе һайлап алғас, клуб эсендә байрам концерты башланды.

Ауылыбыҙҙың актив уҡыусы балаларын йыйып, клуб мөдире Рәхимә Сәмиғуллина ”Айыу һәм ҡыҙ” исемле әкиәтте сәхнәләштергән. Фирзәнә һәм Рания Исҡужиналар, Алмас Мусин, Әминә, Зәлиә исемле уҡыусылар бик оҫта итеп үҙ ролдәрен башҡарҙылар.
Байрам табын артында өлкәндәрҙе ҡотлау, сәй эсеү менән дауам итте. Күңелдәре булып, рәхмәттәр әйтеп таралышты ауылыбыҙ өлкәндәре. Тағы ла шулай иҫәнлек-һаулыҡта байрамдарҙы ҡаршыларға яҙһын тигән теләктәре тормошҡа ашһын ине.
Гүзәлиә ҠОТЛОГИЛДИНА.
Үрге Мөрсәләй ауылы.