+13 °С
Болотло
Бөтә яңылыҡтар
ЙӘМҒИӘТ
9 Сентябрь 2018, 13:00
Өфөләге һайлау участкалары 94% КОИБ системалары менән йыһазландырылған
ӨФӨ, 2018 йыл, 6 сентябрь. /«Башинформ» мәғлүмәт агентлығы, Ғәлиә Нәбиева/. Өфөләге һайлау участкалары һайлау бюллетендәрен эшкәртеү комплекстары (КОИБ) менән 94%, республиканың ҡала округтары 74% йыһазландырылған. Был хаҡта Башҡортостан Үҙәк һайлау комиссияһы рәйесе Хәйҙәр Вәлиев хәбәр итте.
ӨФӨ, 2018 йыл, 6 сентябрь. /«Башинформ» мәғлүмәт агентлығы, Ғәлиә Нәбиева/.
Өфөләге һайлау участкалары һайлау бюллетендәрен эшкәртеү комплекстары (КОИБ) менән 94%, республиканың ҡала округтары 74% йыһазландырылған. Был хаҡта Башҡортостан Үҙәк һайлау комиссияһы рәйесе Хәйҙәр Вәлиев хәбәр итте.
Башҡортостандың баш ҡалаһында һайлаусылар исемлегенә 786 мең 397 кеше индерелгән. Уларҙы төҙөгәндә 2018 йылдың 1 июленә ҡарата мәғлүмәттәр иҫәпкә алынған, тип асыҡлыҡ индерҙе ойоштороусылар.
Төбәктең закондар сығарыу йыйылышына һайлау ваҡытында бөтәһе 811 участкала КОИБ-тар ҡулланыла. Республикала йәшәүселәрҙең 49,27% ашыуы һайлау бюллетендәрен эшкәртеү комплекстарын файҙаланып тауыш бирә ала. Быйыл Башҡортостан КОИБ-тар менән тәьмин ителеш буйынса Мәскәү өлкәһенән (1 703) һәм Мәскәүҙән (1 544) ҡала өсөнсө урынға сыҡты.
Заманса техник саралар ярҙамында һайлауҙың асыҡлығын арттырыу башланғысын республика башлығы Рөстәм Хәмитов тәҡдим итте. Рәсәй Үҙәк һайлау комиссияһы төбәк етәксеһенең идеяһын хупланы.
КОИБ участка комиссиялары ағзаларының эшен еңеләйтә һәм һайлауға йомғаҡ яһауҙы тиҙләтә – улар комплекс тарафынан автоматик рәүештә формалаштырыла. Тауыштарҙы иҫәпләгәндә кеше факторы төшөрөп ҡалдырыла: хаталарға юл ҡуйылмай.
Рәсәй Үҙәк һайлау комиссияһы вәкиле Евгений Шевченко һүҙҙәренсә, Башҡортостан Дәүләт Йыйылышына һайлауҙа КОИБ-тар 2018 йылдың мартында Рәсәй Президентын һайлау менән сағыштырғанда дүрт тапҡырға күберәк була.
Барлыҡ техкомплекстар Башҡортостанға килтерелгән дә инде. Удмуртиянан, Пермь крайынан, Ҡурған, Ырымбур һәм Силәбе өлкәләренән 626 КОИБ алынған.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77