Бөтә яңылыҡтар
ЙӘМҒИӘТ
31 Май 2018, 12:13

Башҡортостан халҡын боҙ-борсаҡ, ҡар ҡатыш ямғыр һәм дауыл хаҡында иҫкәрттеләр

Башҡортостанда Ғәҙәттән тыш хәлдәр министрлығының насар тәбиғәт күренештәре тураһында иҫкәртеүе өс көн дауамында һаҡлана. Атап әйткәндә, 31 майҙа республиканың ҡайһы бер райондарында йәшен, боҙ-борсаҡ һәм ямғыр булыуы мөмкин

ӨФӨ, 2018 йыл, 31 май. /«Башинформ» мәғлүмәт агентлығы, Наталья Овчарук/.
Башҡортостанда Ғәҙәттән тыш хәлдәр министрлығының насар тәбиғәт күренештәре тураһында иҫкәртеүе өс көн дауамында һаҡлана. Атап әйткәндә, 31 майҙа республиканың ҡайһы бер райондарында йәшен, боҙ-борсаҡ һәм ямғыр булыуы мөмкин. Ел көсәйгәндә секундына 18-23 метрға етә. Һауа температураһы төндә +5,+10°, көндөҙ 10-15°, көньяҡ буйынса 20°.
Йәйҙең тәүге ике көнөндә йәшен һәм дауыл ихтималлылығы һаҡлана. Йома, 1 июндә, ел ҡапыл иҫкәндә секундына 20 метрға етә. Һауа температураһы төндә 8-10°, көндөҙ 11-13°.
Шәмбе, 2 июндә, бер аҙ ҡар ҡатыш ямғыр һәм елдең секундына 16 метрға етеүе көтөлә. Һауа температураһы төндә -3,+2°, урыны менән ҡырау төшә – тупраҡта -2,-7°, көндөҙ 8-13°.