Ауыл ҡотон һаҡлай уңғандар...

Заман ауыр, тиҙәр, ә бит ауыл ерендә тормош көтөү бер ҡасан да еңел булмаған. Бынан тиҫтә-тиҫтә йылдар кеүек үк, башҡаларҙан кәм-хур булмайым тигәндәргә бөгөн дә ең һыҙғанып ете ҡат тирен түгергә тура килә. Уның ҡарауы, ашар ашы мул, донъяһы ҡотло, башҡалар алдында йөҙө яҡты ундайҙарҙың... Һатлыҡ ауылында ғүмер иткән Фәниә һәм Нәсим Мозафаровтарға ла мул тормош күктән төшмәгән, күркәм пар барыһына ла үҙ тырышлыҡтары, үҙ көстәре менән өлгәшкән...