Көмөшкә ҡыуыусыларға көн бөтә

Районда бөтәһе 215 сауҙа нөктәһе иҫәпләнә, шуларҙың 17-һе өсөн алкоголь эсемлектәрҙе һатыу өсөн махсус рөхсәт ҡағыҙы (лицензия) алынған. Ағымдағы йылда “Алкоголь” профилактик сараһы сиктәрендә Эске эштәр министрлығының Күгәрсен районы буйынса бүлеге хеҙмәткәрҙәре тарафынан 260 оператив-эҙләү сараһы үткәрелгән, уның барышында 113 хоҡуҡ боҙоу осрағы теркәлгән, шуларҙың 75-е спиртлы эсемлектәрҙе законһыҙ (ҡойоп һатылған этил спирты, Ҡаҙағстандан килтерелгән араҡы, коньяк), өсәүһе спиртлы эсемлектәр менән ҡабат, 15-е хәүефһеҙлек ҡағиҙәләренә тап килмәгән спиртлы эсемлектәр менән һатыу итеү, бишәүһе алкоголь эсемлектәрҙе тейешле документһыҙ автомобилдә йөрөтөү менән бәйле.