Улар халыҡҡа тоғро хеҙмәт итә

Кисә район мәҙәниәт һарайында тиҙҙән торлаҡ-коммуналь хужалыҡ һәм халыҡҡа көнкүреш хеҙмәте эшсәндәре көнө, республикала был тармаҡ ойошторолоуға 90 йыл тулыу уңайынан ҙур байрам сараһы үтте. Тантанала тынғыһыҙ, яуаплы хеҙмәт эйәләрен район хакимиәте башлығы вазифаһын башҡарыусы Ғайса Янбаев та ихлас тәбрикләп, үҙ эшенең оҫталарына, ветерандарға аҡ теләктәрен еткерҙе. Был өлкәләге ҡаҙаныштарҙы (ә улар күҙгә күренерлек!) барлап, ағымдағы йылда башҡарыласаҡ эштәрҙе билдәләп, намыҫлы хеҙмәте менән маҡтауға лайыҡлыларҙы бүләкләп үтте.