Яңы объект бик мөһим һәм бик кәрәк

Мораҡ ауылындағы күп фатирлы йорттарҙан ағыҙылған һыуҙарҙы таҙартыу өсөн таҙартыу ҡоролмаларын төҙөү күптән хәл итеүҙе көткән проблемаларҙың береһе ине. Райондың таҙартыу ҡоролмалары күптән иҫкергән, ә уны яңыртыу күп сығымдар талап итә ине. Ниһайәт, республика бюджетынан яңы канализация системаһын төҙөү өсөн 147 млн һум аҡса бүленде һәм үткән йылдың декабрь айында төҙөлөш эштәре башланды. Эштәрҙе “Башкоммунприбор” акционерҙар йәмғиәте (директоры – Шәфҡәт Байсурин) алып бара. Проект-смета документацияһы “Башкоммуноводоканал” йәмғиәте институтында эшләнгән. Төҙөлөш 2020 йылға тиклем күҙаллана, әммә эшселәр эштәрҙе 2019 йылдың аҙаҡтарына теүәлләргә планлаштыра.