Беҙҙә волейбол яраталар!

8 ғинуарҙа Сапыҡ төп дөйөм белем биреү мәктәбенә волейбол яратыусылар йыйылды. Бында күптән килгән матур йолаға тоғро ҡалып, йыл да ҡышҡы каникул мәлендә ошо ауылда тыуып үҫкән Әхмәҙи Таһир улы Ибраһимов ир-егеттәр командалары араһында “Яҡташтар кубогы”на волейбол буйынса ярыштар ойоштора. Быйыл ул 11-се тапҡыр үткәрелде. Уйында Ишбирҙе ауыл биләмәһе командалары ҡатнашты. Ҡыҙыу барған ярышта еңеүҙе Ҡаран ауылы йәштәре яуланы. Еңеүселәр һәм призерҙарға маҡтау грамоталары һәм иҫтәлекле бүләктәр тапшырылды.