Гаджеттарҙы саналарға алмаштырҙылар

Беҙҙең Туйөмбәт ауылының тау һырты шат, күңелле тауыштарға күмелде. Ҡыш миҙгеленең аяҙ, матур көнөндә ҡыҙҙар һәм малайҙар, инәй һәм апайҙар менән сана, кәритәләребеҙҙе тотоп тау шыуырға йыйылдыҡ. Был көндө мин, сана шыуыу балаларҙың ғына шөғөлө түгеллеген, ә ололар өсөн дә бик файҙалы икәнлеген аңланым. Өлкәндәр беҙҙән бер яғы менән дә һис тә ҡалышманы, оҫта итеп шыуҙы, балалар кеүек шатланды.⁠