Бөтә яңылыҡтар
СӘЙӘСӘТ
4 Март 2018, 21:57

2018 йылдан чиновниктарҙың пенсия йәше арттырыла

Дәүләт һәм муниципаль хеҙмәткәрҙәргә пенсия йәше 2017 йылдың 1 ғинуарынан арттырыла башланы — йыл һайын алты айға. Пенсия йәшен арттырыу дәүләт хеҙмәте осоронда ғына ҡаралған. Эштән киткәндән һуң, гражданин барыһы өсөн дә билдәләнгән пенсия тәғәйенләүҙе һорап мөрәжәғәт итергә хоҡуҡлы.

ӨФӨ, 2018 йыл, 2 март. /«Башинформ» мәғлүмәт агентлығы, Ольга Мортазина/.
2018 йылда чиновниктарға страховка пенсияһы ир-егеттәргә — 61, ҡатын-ҡыҙҙарға 56 йәштән тәғәйенләнә. Дәүләт һәм муниципаль хеҙмәткәрҙәргә пенсия йәше 2017 йылдың 1 ғинуарынан арттырыла башланы — йыл һайын алты айға. Һөҙөмтәлә 2026 йылға пенсияға сығыу йәше ир-аттарға — 65, ҡатын-ҡыҙҙарға 63 йәште тәшкил итергә тейеш.
Пенсия йәшен арттырыу дәүләт хеҙмәте осоронда ғына ҡаралған. Эштән киткәндән һуң, гражданин барыһы өсөн дә билдәләнгән пенсия тәғәйенләүҙе һорап мөрәжәғәт итергә хоҡуҡлы. Әгәр элекке чиновник пенсия тәғәйенләнгәндән һуң дәүләт хеҙмәте менән бәйле булмаған эшкә урынлашһа, ул пенсия һәм эш хаҡы ала.
Был проект, асылда, бөтә граждандар өсөн пенсия йәшен этаплап арттырыу старты, тип иҫәпләй эксперттар.
http://www.bashinform.ru/news/1123441-s-2018-goda-povyshaetsya-pensionnyy-vozrast-chinovnikov/