Биҡҡужа яғында ла боҙ ҡуҙғалды

Үҙенең бер сығышында район хакимиәте башлығы Ғайса Янбаев, 2015 йылда старт алған “Берҙәм Рәсәй” партияһының “Аныҡ эштәр” программаһының урындағы инфраструктураны үҫтереүҙә ҙур роль уйнауын билдәләп, уның беҙҙең район халҡының да тормош сифатын яҡшыртыуға үҙ өлөшөн индерәсәгенә ышанысын белдергәйне.

Ике йыл арауығында Түбәнге Бикҡужа ауыл биләмәһе ерлегендә күҙгә күренерлек эштәр башҡарылыуы ла шул проекттың урындарҙа тормошҡа ашырылыуы һөҙөмтәһе. Был хаҡта ошо ауыл советы хакимиәте башлығы Айҙарбәков Фәнил Йәмил улы тулыраҡ мәғлүмәт бирҙе:

- Түбәнге һәм Үрге Бикҡужа ауылдары халҡы менән осрашып һөйләшеп, ике ауылдың да клуб түбәләренә ремонт эшләтергә тип һөйләшкәйнек, түбәһенән һыу ағып ултырған ергә кеше нисек дәртләнеп йөрөһөн инде. Ниһайәт, 2016 йылда “Берҙәм Рәсәй” программаһы буйынса 100 мең аҡса бүленгәс, халыҡ менән өмә үткәреп Түбәнге Бикҡужа ауылы мәҙәниәт йортоноң түбәһен профнастил менән яптырҙыҡ. Быйыл егеттәр пар сығара торған торбаларын яңыртып ҡуйыу менән мәшғүл булды (һүрәттә). Быйыл шул уҡ маҡсатлы программаға ярашлы, 130 мең аҡса бүленде. Быныһын инде Үрге Бикҡужа ауылындағы мәҙәниәт йорттоң түбәһен ремонтлауға йүнәлтәсәкбеҙ. Үткән аҙнала төҙөлөш материалдары алынды, эшкә тотоноу, эш барышы хәҙер һауа торошона бәйле. Киләсәктә клубтарҙың тәҙрәләрен алмаштырырға ниәт бар. Халыҡ өсөн ыңғай шарттар тыуҙырғы килә, бәлки, мәҙәниәт йорттары йылы булһа, кешеләр ҙә әүҙемләшер ине. Клуб эшсәндәренә лә халыҡ менән күберәк аралашһындар, төрлө мәҙәни сараларға йәлеп итһендәр, ә ауыл халҡына әүҙемерәк булһындар тигән теләктәремде еткергем килә.

Әйе, ысынлап та, ауылдың киләсәге унда йәшәгән һәр кешегә, уның донъяға ҡарашына һәм көнкүреш рәүешенә лә бәйле. Ауыл хакимиәте, мәҙәниәт өлкәһе, халыҡ – өс тағандай берҙәм булғанда ғына эштәр ҙә һөҙөмтәле буласаҡ.

Гөлшат ВӘЛИЕВА.

Автор фотоһы.

Читайте нас:

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77