+22 °С
Ямғыр
РӘСМИ
2 Сентябрь 2022, 09:15
Илһөйәрлек тойғоһон - бала саҡтан
Илһөйәрлек тойғоһон баланың күңеленә бәләкәйҙән һалыу зарур. Был эшкә белем усаҡтары менән бер рәттән музейҙар ҙа үҙ өлөшөн индерә. Белем көнөндә Күгәрсен тарих-тыуған яҡты өйрәнеү музейы “Асыҡ ишектәр” көнө уҙғарҙы. Был юлы музейҙың төп ҡунаҡтары Мораҡ башҡорт гимназияһының 3-сө класс уҡыусылары булды. Музей хеҙмәткәре Ольга Николаевна Максимова уларҙы музей экспонаттары менән таныштырҙы. Балалар артабан “Уҡы! Танып бел! Мауыҡ!” тигән уйын-викторинала ҡатнашты.
Илһөйәрлек тойғоһон - бала саҡтан
Уҡыусыларға һәр төрлө конкурстар ҙа тәҡдим ителде. “Уҡы әле” тигән конкурста уҡыусылар китаптарҙың авторҙарын һәм исемен ҙур ҡәнәғәтлек менән атаны. "Әкиәт" конкурсы балаларҙың күп әкиәттәрҙе һәм уларҙың геройҙарын белеүен асыҡланы. "Күңелле математика" конкурсында уҡыусылар ҙур зирәклек күрһәтте һәм уларға бирелгән ҡатмарлы һорауҙарға тиҙ яуап бирҙе. "Аңла әле" уйынында мәктәп кәрәк-яраҡтары тураһында йомаҡтар систеләр. Сара барышында Белем көнөнә ҡарата шиғырҙар һәм музыкаль композициялар яңғыраны. Уҡыусылар аҙаҡ музей экспозициялары эргәһендә иҫтәлеккә фотоға төштө.
Бөгөн иһә музейға Мораҡ 1-се урта мәктәбе уҡыусылары ҡунаҡҡа килде.
