+16 °С
Болотло
Бөтә яңылыҡтар
РӘСМИ
3 Апрель 2020, 09:00
Ил Президенты Владимир Путин ил халҡына икенсе тапҡыр мөрәжәғәт итте
Владимир Путин коронавирус инфекцияһы башланыу менән ил халҡына икенсе тапҡыр мөрәжәғәт итте. Шулай итеп, илдә үҙаллы изоляция режимы 30 апрелгә тиклем оҙайтылды. Иң мөһиме - эш хаҡы шулай уҡ һаҡланасаҡ. Владимир Путин белдереүенсә, әле донъяла, шул иҫәптән Рәсәйҙә эпидемияның юғары хәүефе үтмәгән. #ВладимирПутин
Владимир Путин коронавирус инфекцияһы башланыу менән ил халҡына икенсе тапҡыр мөрәжәғәт итте. Шулай итеп, илдә үҙаллы изоляция режимы 30 апрелгә тиклем оҙайтылды. Иң мөһиме - эш хаҡы шулай уҡ һаҡланасаҡ. Владимир Путин белдереүенсә, әле донъяла, шул иҫәптән Рәсәйҙә эпидемияның юғары хәүефе үтмәгән, тип яҙа БАШҠОРТОСТАН.
"Эшләмәгән аҙна һәм үҙаллы изоляция режимы күп төбәктәрҙә алдан саралар күреү өсөн ваҡытты әҙерәк “еңергә” мөмкинлек бирҙе. Тик был ара эсендә генә пандемияны еңеп булмай. Мәскәүҙә әлегә коронавирустың таралыуын туҡтата алманыҡ", - тине ул.
Мөрәжәғәтендә Владимир Путин табиптарға һәм барлыҡ медицина хеҙмәткәрҙәренә, ирекмәндәргә, ауыл-ҡалалар тормошон тәьмин итеүселәргә рәхмәт әйтте.
Ил буйынса өйҙә ултырыу ваҡыты оҙайтылһа ла, Президент был йәһәттән төбәктәр башлыҡтарының вәкәләттәрен киңәйтте һәм үҙаллы ҡарарҙар ҡабул итергә рөхсәт бирҙе.
"Беҙҙең ил ҙур. Әле коронавирус инфекцияһы менән зарарланмаған төбәктәр бар, ә ҡайҙалыр ул ныҡлы таралып өлгөрҙө. Шуға күрә төбәктәр хәлде үҙҙәрендәге торошҡа ҡарап көйләй ала. Был туралағы ҡарарҙарын аҙна аҙағына тиклем әҙерләргә тейештәр. Барыһы ла тейешле хеҙмәттәр менән килешеп эшләнәсәк", - тине дәүләт башлығы.
Хәлдең нисек дауам итеүенә ҡарап, өҫтәмә ҡарарҙар ҡабул ителеүе ихтимал, тине Владимир Владимирович. Әгәр ваҡиғалар мөмкинлек бирһә, өйҙә ултырыу көндәрен ҡыҫҡартыуҙары ла бар.
Фото: скрин-шот.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77