Мораҙым
+18 °С
Болотло
Бөтә яңылыҡтар
РӘСМИ
11 Октябрь 2019, 09:53

Владимир Путин төбәктәрҙең һайланып ҡуйылған башлыҡтары менән осрашты

Владимир Путин төбәктәрҙең һайланып ҡуйылған башлыҡтары менән осрашты Рәсәй Президенты Владимир Путин 8 сентябрҙә – берҙәм тауыш биреү көнөндә һайланып ҡуйылған 19 төбәк башлығы менән осрашты. Осрашыуҙа Башҡортостан Башлығы Радий Хәбиров та ҡатнашты. Владимир Путин төбәк башлыҡтарын вазифаға һайланыуҙары менән ҡотланы. #ВладимирПутин

Фото: www.kremlin.ru
Фото: www.kremlin.ru
Рәсәй Президенты Владимир Путин 8 сентябрҙә – берҙәм тауыш биреү көнөндә һайланып ҡуйылған 19 төбәк башлығы менән осрашты. Осрашыуҙа Башҡортостан Башлығы Радий Хәбиров та ҡатнашты. Владимир Путин төбәк башлыҡтарын вазифаға һайланыуҙары менән ҡотланы, ТИП ХӘБӘР ИТӘ БАШИНФОРМ.

«Һеҙгә эшегеҙҙең темпын кәметмәүегеҙҙе һәм ошо юғары вазифала һайлау алды кампанияһы осорондағы кеүек үк яҡшы эшләүегеҙҙе теләйем. Сөнки хәҙер һеҙгә ышанып тапшырылған биләмәләрҙә халыҡҡа биргән вәғәҙәләрҙе үтәү өсөн көсөргәнешле эшләргә кәрәк. Иң мөһиме – даими рәүештә йәмғиәттең тын алышын, халыҡтың нимә көткәнен һәм уларҙың һеҙҙең башҡарған эшегеҙгә ҡарашын тойорға. Ә был — иң мөһиме», — тине дәүләт башлығы.
Владимир Путин һайланып ҡуйылған етәкселәргә халыҡҡа иғтибарлы булыуҙарын теләне.
«Был ошондай юғары кимәлдәге һәр етәксенең эшендә бик мөһим. Телмәремде ябай ғына һүҙҙәр менән тамамлағым килә: һеҙгә уңыштар теләйем. Барығыҙҙы ла ҡотлайым һәм иң изге теләктәремде еткерәм».
Читайте нас: