Бөтә яңылыҡтар
РӘСМИ
8 Август 2019, 02:05

Владимир Путин Абхазия етәксеһе менән осрашты

Владимир Путин Абхазия етәксеһе менән осрашты Рәсәй Президенты Сочилағы Бочаров Ручей резиденцияһында Абхазия етәксеһе Рауль Хаджимба менән осрашты һәм тиҙҙән был дәүләттә буласаҡ һайлау демократик принциптарға ярашлы үтер, илдең тотороҡлолоғона булышлыҡ итер, тип белдерҙе. #ВладимирПутин

Рәсәй Президенты Сочилағы Бочаров Ручей резиденцияһында Абхазия етәксеһе Рауль Хаджимба менән осрашты һәм тиҙҙән был дәүләттә буласаҡ һайлау демократик принциптарға ярашлы үтер, илдең тотороҡлолоғона булышлыҡ итер, тип белдерҙе.


Владимир Путин әйтеүенсә, осрашыу уртаҡ социаль проекттарҙың тормошҡа ашырылыуын, һөҙөмтәлелеген барлау өсөн алдан планлаштырылған булған.


Рауль Хаджимба Абхазияла бихисап социаль объекттар төҙөлөп бөтөп барыуын, энергетика системаһы яңыртылыуын, юлдар төҙөкләндерелеүен билдәләп үтте. Шулай уҡ оборона ведомстволарын, хоҡуҡ һаҡлау структураларын камиллаштырыу мәсьәләләре лә хәл ителә.


Абхазия етәксеһе даими ярҙам өсөн Рәсәйгә ҙур рәхмәт белдерҙе.


Билдәле булыуынса, 2008 йылдың 26 авгусында Рәсәй Президенты Абхазияның бойондороҡһоҙлоғон таныу тураһындағы Указға ҡул ҡуйҙы. Ошо уҡ йылдың 9 сентябрендә дипломатик мөнәсөбәттәргә нигеҙ һалынды.
#ВладимирПутин


Фото: ria.ru

Автор: Гүзәлиә БАЛТАБАЕВА