Бөтә яңылыҡтар
РӘСМИ
21 Ғинуар 2018, 17:01

Башҡортостанда яҙғы ташҡынға әҙерлек башланды

Башҡортостандың Тәбиғәттән файҙаланыу һәм экология министрлығында гидротехник ҡоролмаларҙың хәүефһеҙлек мәсьәләләренә арналған ведомство-ара комиссия ултырышы үтте.

Башҡортостандың Тәбиғәттән файҙаланыу һәм экология министрлығында гидротехник ҡоролмаларҙың хәүефһеҙлек мәсьәләләренә арналған ведомство-ара комиссия ултырышы үтте. Республикала барлығы 491 гидротехник ҡоролма иҫәпләнә. Ултырышта яҙғы ташҡынға әҙерлек һәм гидротехник ҡоролмаларҙың хәүефһеҙлеге ҡаралды. Унда билдәләнеүенсә, барлыҡ ведомство һәм хеҙмәттәр үҙ-ара эште ташҡын һөҙөмтәләрен кәметеүгә йүнәлтергә тейеш.

Тәбиғәттән файҙаланыу һәм экология министры урынбаҫары Виталий Тюр фекеренсә, гидротехник ҡоролмалар урынлаштырылған муниципаль район хакимиәттәренә объекттарҙың хәүефһеҙлегенә айырым иғтибар бүлеү мөһим.

- Ташҡынға тиклем авария хәлендәге объекттар тураһында тейешле мәғлүмәтте ведомство-ара комиссияһына еткереү мотлаҡ, - тине Виталий Тюр.

Яҙғы ташҡын башланыр алдынан республиканың Экология министрлығы һәм тейешле хеҙмәттәр гидротехник ҡоролмаларҙы тикшереп сығасаҡ.