Яҡташыбыҙға - юғары награда

Рәсәй Президенты Владимир Путин арҙаҡлы яҡташыбыҙ - Башҡортостандың билдәле дәүләт эшмәкәре, Рәсәйҙең отставкалағы 2-се класлы ғәҙәттән тыш һәм тулы хоҡуҡлы вәкиле, сәйәсәт фәндәре докторы, профессор Илдус Илешевты почет грамотаһы менән бүләкләне. Ошо хаҡтағы бойороҡ рәсми хоҡуҡи мәғлүмәт интернет-порталында баҫылған. Сығышы менән Түбәнге Сирбай ауылынан булған Илдус Ғөбәйҙулла улы илдең тышҡы сәйәси курсын тормошҡа ашырыуға ҙур өлөш индергәне өсөн билдәләнде.