25 майҙан 27-нә тиклем Нөгөш һыуһаҡлағысы янындағы "Тау һауаһы" ял базаһында "Хәүефһеҙ тәгәрмәс - 2022" республика конкурсы үтте.
Конкурста балалар һәм үҫмерҙәрҙең юл хәрәкәте хәүефһеҙлеге буйынса белемдәре тикшерелде. Унда республиканың район-ҡалаларынан килгән иң яҡшы командалар көс һынашты.
Беҙҙең район данын Башҡорт гимназияһы командаһы - Фәриҙә Сәлихова, Камила Суракова, Иҙел Исҡужин һәм Радмил Ғөбәйҙуллин (етәкселәре - Нурзидә Хәсәнова) яҡланы һәм республика конкурсында 2-се урын яуланы.
Уҡыусыларҙы, уларҙы конкурсҡа әҙерләүсе уҡытыусыларҙы ҙур уңыштары менән ҡотлайбыҙ! Артабан да яңынан-яңы еңеүҙәр яулауҙарын теләйбеҙ!