+28 °С
Болотло
Новости
27 Май 2022, 09:39
Эшҡыуарҙар тәбрикләнде
Бөгөн Мораҡ ауыл мәҙәниәт йортонда Рәсәй эшҡыуарлығы көнө айҡанлы тантаналы сара ойошторолдо. Район хакимиәте башлығының эшҡыуарлыҡты үҫтереү мәсьәләләре буйынса урынбаҫары Илдус Ҡалҡаманов эшҡыуарҙарҙы һөнәри байрамдары менән тәбрикләп, дәүләт тарафынан күрһәтелгән ярҙам сараларына, эш башларға мөмкин булған йүнәлештәргә туҡталып китте.
Эшҡыуарҙар тәбрикләнде
Тантаналы сарала байрам уңайынан район үҫешенә тос өлөш индереүсе бер төркөм эшҡыуарҙарға - Илфат Әмирханов, Марина Иванова, Ирина Нежебовская, Гүзәл Хәлитова, Наталья Клочек, Галина Попова, Сергей Тужилкин, “Землемер” йәмғиәте директоры Салауат Илмөхәмәтов, “МонтажГрупп” йәмғиәте директоры Радик Фәтихов, “Төҙөлөштөң яңытехнологиялыра” йәмғиәте директоры Фәнис Рафиҡовтарға рәхмәт хаттары тапшырылды. Донецк һәм Луганск Республикаларына гуманитар ярҙам күрһәтеүҙә тос өлөш индереүселәр – фермер Рәфис Ибраһимов, “Күгәрсен агросәнәғәт берекмәһе” йәмғиәте директоры Айрат Болғаиров ,”Гарантстрой” йәмғиәте директоры Әмир Зиннәтуллин, “Секрет здоровья” йәмғиәте директоры Гөлгөнә Мозафаровалар ҙа билдәләнде.
