+28 °С
Болотло
Новости
5 Апрель 2022, 06:21
Алтын туй
Алтын туй - йылдар һынауына бирешмәгән оло мөхәббәттең сағылышы ул. Ярты быуат ғүмер бергә йәшәү өсөн кешеләргә күпме сабырлыҡ, түҙемлек, аҡыл, өмөт-ышаныс кәрәк. Күгәрсен ауылында йәшәүсе Шәфиғә һәм Миңлебай Вәлитовтар матур ғүмер кисергән парҙарҙың береһе. Уларҙың яҙмыштарын бер-береһенә бәйләгән көндәренән 50 йыл ғүмер үтеп киткән. Бер-береһенә таяныс, тормошҡа ғашыҡ булып, ғүмерҙең һәр көнөнә ҡыуанып ғүмер итәләр, күптәргә үрнәк булырҙай балалар тәрбиәләнеләр. Тормоштоң ниндәй генә ауырлыҡтары булмаһын, улар бирешмәне, һынманы-һығылманы, намыҫлы хеҙмәт юлы үтте. Вәлитовтарҙы күркәм байрамдары айҡанлы Күгәрсен ауыл биләмәһе башлығы Рафаэль Аллабирҙин тәбрикләне, мәҙәниәт хеҙмәткәрҙәре тарафынан әҙерләнгән музыкаль бүләк тә матур парҙың күңеленә хуш килде.
Алтын туй
Хөрмәтле алтын пар - Шәфиғә менән Миңлебай Вәлитовтар! Бер-берегеҙгә булған йылы хистәрегеҙ олоғайған көндәрегеҙҙә лә кәмемәһен, иңде-иңгә ҡуйып, ярты быуат татыу ғүмер кисергән кеүек алға табан парлап атларға яҙһын!
