+22 °С
Ямғыр
МИЛЛИ ПРОЕКТТАР
3 Май 2023, 11:35
Телһөйәрҙәр, илһөйәрҙәр тәрбиәләй
“Уралҡай” балалар баҡсаһында кескәйҙәрҙә милли рух тәрбиәләүгә ҙур иғтибар бүләләр. Быны беҙ унда уҙған төрлө сараларҙан да асыҡ күрәбеҙ. Мәҫәлән, милли кейемдәр көнөндә кескәйҙәрҙе милли кейемдә күреп, һоҡланмаған кеше ҡалмағандыр. Балаларҙың телһөйәр, илһөйәр булып үҫеүендә “Уралҡай”ҙың башҡорт теле һәм әҙәбиәте уҡытыусыһы Гәүһәр Миңләхмәт ҡыҙы Болғаированың да өлөшө ҙур. Күптән түгел ул Күмертау ҡалаһында уҙған “Исҡужин уҡыуҙары” республика фәнни – ғәмәли конференцияһында ҡатнашҡан.
Телһөйәрҙәр, илһөйәрҙәр тәрбиәләй
Мәғрифәтсе, билдәле йәмәғәт эшмәкәре Мөхәмәт Исҡужинға арналған сарала Башҡортостандың 35 районы һәм 10 ҡалаһынан килгән уҡыусылар һәм тәрбиәселәр ҡатнашҡан.
Гәүһәр Миңләхмәт ҡыҙы “Тыуған телде өйрәтәм” секцияһында - тәрбиәселәр өсөн оҫталыҡ дәрестәре конкурсында 20-нән ашыу педагог араһында үҙен һынап ҡараған һәм призер булған.
Рухлы уҡытыусыны һөнәри өлкәләге уңышы менән ихлас ҡотлайбыҙ!
