РФ Хеҙмәт министрлығы мәғлүмәттәренә ҡарағанда, 2021 йылдан эшен юғалтҡан һәр кеше милли проекттың мөмкинлектәренән файҙалана, әгәр ҙә һөнәре буйынса эш таба алмаһа йәки уның һөнәре бөтөнләй булмаһа, ҡабаттан уҡый аласаҡ. Шулай уҡ был мөмкинлек эштән ҡыҫҡартылыу хәүефе янаған граждандарға ла биреләсәк.
Ҡабаттан уҡығанда, белем биреү программаларын тамамлаған кешеләр артабан эш таба алһын өсөн, ҙур иғтибар эш биреүсенең ихтыяжына бирелә. Уҡығандан һуң эшһеҙҙәр эшкә урынлашыуҙа ла ярҙам аласаҡ, ә эштән ҡыҫҡартылыу янағандар яңы белемдәре арҡаһында урындарын һаҡлап ҡала аласаҡ. Уҡыусы граждандар эшһеҙлек буйынса пособие алыуын дауам итәсәк.