+16 °С
Болотло
Бөтә яңылыҡтар
МИЛЛИ ПРОЕКТТАР
25 Октябрь 2020, 10:00
Йәшерен тарихи мәғлүмәттәргә асыҡлыҡ индерелә башланы
Бөгөн Өфөлә «Башҡортостандың Бөйөк Еңеүгә индергән өлөшө» тип аталған Халыҡ-ара ғилми-ғәмәли форум башланды. Республика башлығы Радий Хәбиров ҡарары менән ойошторолған күләмле сараның маҡсаты – тарих хәтерен мәңгеләштереү. #национальныепроекты #нацпроекты #региональныепроекты #регпроекты #нацпроектыБашкортостан #ВладимирПутин
Бөгөн Өфөлә «Башҡортостандың Бөйөк Еңеүгә индергән өлөшө» тип аталған Халыҡ-ара ғилми-ғәмәли форум башланды. Республика башлығы Радий Хәбиров ҡарары менән ойошторолған күләмле сараның маҡсаты – тарих хәтерен мәңгеләштереү.
Башҡортостанда ойошторолған Коминтерн мәктәбендә белем алғандан һуң, Маркус Вольф Германияла разведка төркөмөн етәкләп «Битһеҙ кеше», шпионлыҡ генийы булараҡ танылыу ала. Күргәҙмәлә Кушнаренко ауылында ойошторолған йәшерен учреждение уҡытыусылары һәм студенттарҙың портреттары ҡуйылған. Һуғыш осоронда унда фашистарға ҡаршы диверсанттар әҙерләнгән. Берләштерелгән партия мәктәбе 1943 йылда ябылған, уның бинаһы мәҙәни мираҫ объекты булараҡ һаҡлана.
Коминтерндың махсус мәктәптәренә бәйле йәшерен мәғлүмәттәр хәҙер халыҡ өсөн асыҡ, был хаҡта айырым китап та баҫтырылған. Бөйөк Ватан һуғышын сағылдырған тарих биттәре йәнә байый, тулылана. Башҡортостандың Еңеүгә индергән өлөшө баһалап бөткөһөҙ. Яңы табылған архив материалдар менән ғалимдар, тарихсылар Өфөлә уҙғарылған халыҡ-ара форумда сығыш яһай. Сарала яҡташтарыбыҙҙың фронтта һәм тылда күрһәткән ҡаһарманлығы, 112-cе Башҡорт кавалерия дивизияһы, партизан хәрәкәттәре тураһында һүҙ бара.
Форум ике көн дауам итә, унда Башҡортостандан тыш, Рәсәйҙең башҡа төбәктәренән дә белгестәр сығыш яһай. Коронавирус пандемияһына бәйле, сарала ҡатнашыусылар һаны сикле, шуға сит ил ғалимдары конференцияға онлайн-режимда ҡушыла. Төп темаларҙың береһе дини ойошмалар эшмәкәрлегенә бәйле. Мөфтөй, шәйех Ғабдрахман Рәсүлев хаҡында яңы тарихи мәғлүмәттәр яңғырай. Һуғыштың тәүге көнөнән үк ул мосолмандарҙың патриотик рухын күтәрә.
«Йөрәктәрҙә һәм китаптарҙа – һуғыш хәтере» тип аталған майҙансыҡта Башҡортостандың фронтовик-яҙыусылары хаҡында докладтар яңғыраны. Ил өсөн тетрәндергес мәлдә Әхмәтзәки Вәлиди исемендәге Милли китапхана хеҙмәткәрҙәре лә ситтә ҡалмай.
Һуғыш осоронда Уралға һигеҙ йөҙҙән ашыу предприятие эвакуациялана, уларҙың бер өлөшө Башҡортостанға урынлаша. Яҡташтарыбыҙ фронтты икмәк менән дә тәьмин итә. Санкт-Петербург белгестәре тапҡан архив материалдарға ярашлы, 1942 йыл төбәк өсөн айырыуса ауыр килә. Уңыш йыйыу буйынса дәүләт планы 27 процентҡа ғына үтәлә. Һөҙөмтәлә Өфөгә «Ҡыҙыл армияны» аҙыҡ-түлек менән тәьмин итеү буйынса комитет рәйесе Анастас Микоян килгән. Дәүләт эшмәкәре саботажды туҡтатырға талап итә. Ул ваҡытта иген йыйыу буйынса күрһәткестәр Өфөгә яҡын райондарҙа түбән булған. Конференция дауам итә, яңы асыштар ҙа алда әле.
Гөлназ Хәйбуллина.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77