+12 °С
Ямғыр
Бөтә яңылыҡтар
МИЛЛИ ПРОЕКТТАР
26 Сентябрь 2020, 10:00
Селекция мәсьәләләре хәл ителә
Башҡортостан Башлығы Радий Хәбиров үткәргән “Ауыл сәғәте” форматындағы тематик кәңәшмәлә ауыл хужалығы культураларының өмөтлө сорттары селекцияһы мәсьәләләре ҡаралды. Унда аграр хужалыҡ етәкселәре, ғалимдар, Рәсәйҙең билдәле селекция үҙәктәре вәкилдәре ҡатнашты.#национальныепроекты #нацпроекты #региональныепроекты #регпроекты #нацпроектыБашкортостан #ВладимирПутин
Башҡортостан Башлығы Радий Хәбиров үткәргән “Ауыл сәғәте” форматындағы тематик кәңәшмәлә ауыл хужалығы культураларының өмөтлө сорттары селекцияһы мәсьәләләре ҡаралды. Унда аграр хужалыҡ етәкселәре, ғалимдар, Рәсәйҙең билдәле селекция үҙәктәре вәкилдәре ҡатнашты.
Башҡортостан Республикаһы Хөкүмәте вице-премьеры – БР ауыл хужалығы министры Илшат Фәйзрахманов әйтеүенсә, Рәсәйҙә ҡулланылған орлоҡтарҙың 63 проценты үҙ илебеҙҙә селекцияланған. Башҡортостанда был күрһәткес юғарыраҡ – 91 процент, тик уларҙың 22 проценты ғына Башҡортостанда етештерелгән.
– Рәсәйҙең аҙыҡ-түлек хәүефһеҙлеге доктринаһы үҙебеҙҙең орлоҡтар өлөшө 75 проценттан кәм булмау маҡсатын ҡуя. Республика аграрийҙарына 450 мең тонна бөртөклө һәм ҡуҙаҡлы иген культураһы кәрәк, – тип билдәләне вице-премьер.
Башҡортостанда иген һәм техник культураларҙың өмөтлө һәм тәбиғәт шарттарына тотороҡло сорттарын яҡшыртыу өҫтөндә 60-тан ашыу махсуслашҡан орлоҡсолоҡ хужалығы эшләй.
Ауыл эшсәндәренә һәм селекционерҙарға илдә “Фән” милли проекты сиктәрендә булдырылған яңы орлоҡсолоҡ үҙәктәре ҙур ярҙам күрһәтәсәк. Был хаҡта Рәсәй Фән һәм юғары белем биреү министрлығының Ауыл хужалығы фәндәре өлкәһендә ойошмалар эшмәкәрлеген координациялау департаменты директоры Вугар Багиров һөйләне. Уның әйтеүенсә, 35 яңы үҙәктең береһе булһа ла Башҡортостанда барлыҡҡа килергә тейеш.
– Беҙ 2024 йылға республикала 4 миллион тонна иген йыйыу бурысын ҡуйҙыҡ. Республика артабан да агросәнәғәткә дәүләт ярҙамы күрһәтеүен дауам итәсәк, – тине Радий Хәбиров.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77