Бөтә яңылыҡтар
МИЛЛИ ПРОЕКТТАР
13 Апрель 2020, 10:00

Әбйәлил юлсылары ял белмәй

Юлдарҙың төҙөклөгө төбәктең социаль хәлен, көнкүреш сифатын билдәләй. Яҙ уларҙың торошо айырыуса насарая, һөҙөмтәлә барыһын да рәткә килтереү, соҡорҙарҙы ямау өсөн ҙур сығымдар, көс түгелә.“Хәүефһеҙ һәм сифатлы автомобиль юлдары” милли проекты юлдар норма талаптарына яуап бирһен, авария ихтималлығы юғары урындар хәүефһеҙ булһын тигән бурыстар ҡуя. Әбйәлил районы юлсылары тап ошо маҡсатта төҙөкләндереү эштәрен башланы.#национальныепроекты#нацпроекты#региональныепроекты#регпроекты#нацпроектыБашкортостан#ВладимирПутин

Асҡар - Магнитогорск автомобиль юлы - ике төбәкте тоташтырған трассаларҙың береһе. Унда аэропортҡа илткән участка ла бар. Район халҡы оҙаҡ йылдар ошо араны ремонтлау мәсьәләһен күтәрә килде. Ниһайәт, боҙ урынынан ҡуҙғалды, тиергә була. Әбйәлил юл төҙөү һәм ремонтлау идаралығының баш инженеры Ринат Дәминдәров белдереүенсә, ағымдағы йылда был араның 4,77 саҡрымын йүнәтеү ҡарала, яңы асфальт һалынасаҡ, тип хәбәр итә БАШҠОРТОСТАН.
“Әле әҙерлек эштәре бара, иҫкәртеүсе юл билдәләре ҡуйыла, соҡорҙар ямала”, - ти эшселәр бригадаһы етәксеһе Вадим Лобанов.
Барлыҡ ремонт эштәре юл мастеры Салауат Халитов етәкселегендә башҡарыла. Оҫталар Рәмил Ҡаҙаҡбаев, Артур Лобанов, Ғаяз Шаһимәрҙәнов, Айҙар Хәкимов, Сибәғәт Әхмәтғәлин, Фазыл Мостафин һәм башҡалар килеп тыуған киҫкен хәлде аңлап, үҙ һөнәренә тоғро ҡалып, хеҙмәтен дауам итә.
Билдәле булыуынса, һуңғы ваҡытта республика етәкселеге тарафынан юлдарҙы яҡшыртыуға иғтибар көсәйҙе. Тимәк, һөҙөмтә лә яҡшы буласаҡ.
Фото: Әлиә Мусина.
Читайте нас в