Милли проекттар иғтибар үҙәгенән төшмәй

Уҙған аҙнала Башҡортостан Башлығы Радий Хәбиров Дөйөм Рәсәй Халыҡ фронтының Башҡортостан бүлексәһе етәкселәре менән осрашып, республикалағы мөһим проблемалар тураһында һөйләшкәйне. Улар араһында Рәсәй Президентының Мөрәжәғәтнамәһен тормошҡа ашырыу, ФАП-тар торошон контролдә тотоу ҙа бар ине.

Уҙған аҙнала Башҡортостан Башлығы Радий Хәбиров Дөйөм Рәсәй Халыҡ фронтының Башҡортостан бүлексәһе етәкселәре менән осрашып, республикалағы мөһим проблемалар тураһында һөйләшкәйне. Улар араһында Рәсәй Президентының Мөрәжәғәтнамәһен тормошҡа ашырыу, ФАП-тар торошон контролдә тотоу ҙа бар ине.

Бөгөн иһә Халыҡ фронтының етәкселәре, координаторҙары һәм әүҙемселәре менән Башҡортостан Башлығы Хакимиәте етәксеһе Александр Сидякин, Хөкүмәт Премьер-министрының беренсе урынбаҫары – Хөкүмәт Аппараты етәксеһе Илшат Тажетдинов, Башҡортостан Башлығы Хакимиәте етәксеһенең урынбаҫары Урал Килсенбаев осрашты. Һөйләшеү Башҡортостанда өҫтөнлөклө милли проекттарҙы тормошҡа ашырыуға арналды.

– Бөгөнгө аралашыу ике яҡ өсөн дә бик файҙалы. Беҙ үҙебеҙҙең яҡтан башҡарылған эштәр тураһында һөйләһәк, һеҙ уны тормошҡа ашырыуҙы контролдә тотаһығыҙ, – тине Александр Сидякин.

Илшат Тажетдинов иһә бик ентекле итеп республикала һәм илдә тормошҡа ашырылған милли проекттар тураһында һөйләне. Һәр береһенә айырым туҡталып, шул йәһәттән башҡарылған эштәр тураһында әйтте.

– Бөтәбеҙгә лә билдәле булыуынса, Владимир Путиндың май указдары, икенсерәк итеп әйткәндә өҫтөнлөклө милли проекттар илдә 2019 йылдан башлап 2024 йылға тиклем ғәмәлдә буласаҡ. Был маҡсатта Рәсәйҙә 25,7 триллион һум аҡса бүленгән. Башҡортостанда милли проекттарҙы тормошҡа ашырыу өсөн 173,2 миллиард һум аҡса бүленә. Уларҙың барыһы ла кешенең тормошон яҡшыртыу, иҡтисадты үҫтереү, ғүмерҙәрҙе һаҡлауға тотоноласаҡ, – тине Илшат Тажетдинов.

Илшат Азамат улы һәр милли проектҡа айырым туҡталды. Уның маҡсаттары, йүнәлештәре, тотоноласаҡ аҡса күләме тураһында һөйләне.

Дөйөм Рәсәй Халыҡ фронтының Башҡортостан бүлексәһе ағзалары өсөн был аралашыу бик файҙалы һәм ҡыҙыҡлы булды. Һәр проект буйынса бында координаторҙар бүленгән, улар был йүнәлештәге эште бөгөндән башлаясаҡ.

#национальныепроекты

#нацпроекты

#региональныепроекты

#регпроекты

#нацпроектыБашкортостан

#ВладимирПутин

Читайте нас:

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77