«Үҫеш биләмәһе» форумы тантаналы шарттарҙа Салауат ҡалаһы спорт комплексында асылды. Форумға йыйылған мәктәп уҡыусыларын Башҡортостан башлығы Радий Хәбиров тәбрикләне. Уҡыусылар 5 тематик платформаларҙа эшләне. Тәүгеһе 1-се лицейҙа урынлашҡайны. Үҫмерҙәргә йәштәр тәҡдимдәрен хуплаған, һөнәри кимәлен үҫтереүгә булышлыҡ иткән лидерҙар тәрбиәләү траекторияһы айырыуса ҡыҙыҡлы булды.
Форумдың маҡсаты – үҫмерҙәрҙең һәм йәштәрҙең башланғыстарына ярҙам итеү, уларҙың компетенция кимәлен арттырыу, ҡаланың, республиканың социаль-иҡтисади үҫеш процестарына йәлеп итеү. «Үҫеш биләмәһе» проекты Салауатта тәүге тапҡыр ойошторолдо. Ошоноң кеүек үк саралар артабан республиканың башҡа ҡала-райондарында ла үтәсәк.