24 декабрҙә Яңы йыл бүләктәрен уйнатабыҙ!

Хөрмәтле дуҫтар! Тиҙҙән барлыҡ теләктәрҙе тормошҡа ашырған иң тылсымлы мәл - Яңы йыл етә. Һәр йылдағыса үҙебеҙҙең тоғро дуҫтарыбыҙ - 2021 йылдың беренсе ярты йыллығына “Мораҙым” һәм “Кугарчинские вести” гәзиттәренә яҙылыусылар өсөн бүләктәр әҙерләнек. Алдан вәғәҙә иткәнебеҙсә был юлы төп бүләк бик шәп, Яңы 2021 йылдың символы – БЫҘАУ!!! Тағы ла гәзиткә яҙылыусыларҙы “Жемчужина Урала”магазинына 4 сертификат, көнкүреш техникаһы: саң һурҙырғыстар, электр ит турағыстар, электр сәйнүктәр, үтектәр, Балалар-үҫмерҙәр спорт мәктәбе бассейнына 10 тапҡыр бушлай барыу хоҡуғын биргән серификаттар һәм башҡа бик күп бүләктәр көтә.Шуныһы мөһим: гәзиттәргә арзан хаҡҡа 20 декабргә тиклем генә яҙылып була. Ә бүләк отошҡа квитанциялар 23 декабргә тиклем Мораҡ ауылы, Ленин урамы, 49 адресы буйынса ҡабул ителә. Ашығығыҙ! Яңы йыл алдынан һеҙ ҙә үҙегеҙҙең даланығыҙҙы һынап ҡарағыҙ!