Ҙур эш өсөн бәләкәй генә ҡыуаныстар

Ни тиһәң дә, кешеләргә бәләкәй генә булһа ла шатлыҡ-ҡыуаныс бүләк итеү күңелле. Редакция бына 10 йылға яҡын гәзиткә яҙылыусылар араһында “Районка”ға яҙыл – бүләк от” акцияһын үткәрә, был сара берҙән, гәзиткә тоғро булғандарҙы хөрмәт итеүҙе күрһәтһә, икенсенән, баҫма алдырыусыларҙы дәртләндерә. 23 октябрҙә үткән бүләк уйнатыуҙа льготалы декада осоронда яҙылыусыларҙан бөтәһе 238 квитанция ҡатнашты, уның 65-е “Мораҙым” гәзитен алдырыусыларҙыҡы ине. Шулай итеп, был көндө “Мораҙым” гәзитенә яҙылыусылар араһында Яңауылдан Заһир Яҡупов - стакандар йыйылмаһы, Әминә Аҫылбаева - электр сәйгүне, Бикбулаттан Альберт Айҙарбәков одеял отоп ҡыуанды. “Кугарчинские вести”ны алдырыусылар араһында Мораҡтан Зөлфирә Ҡорбанаева, Гөлфая Әхмәтйәнова һәм Лилиә Литвинова иң даланлылары булып сыҡты.