Гөлназ Миңлеәхмәт ҡыҙы район халҡына уҡымлы мәҡәләләре һәм хикәйәләре менән яҡшы таныш. Уның яңыраҡ сыҡҡан “Тарихта ҡалыр исемдәр” китабында Бөйөк Ватан һуғышы ветерандары, тыл эшсәндәре, яугир-интернационалистар тураһында яҙылған публицистик мәҡәләләре, хикәйәләре һәм тормош күренештәре урын алған.
Алһыу Хәлитованың тормошсан хикәйәләре район һәм республика баҫмаларында донъя күрҙе. “Әҫәрҙәремдәге геройҙар бөтәһе лә тормоштан алынған, улар – тыуған төйәгем булған Мәҡсүт ауылы кешеләре, туғандарым, яҡындарым, уҡыусыларым”, - ти ул.
Мәртәбәле премия, әлбиттә, ҡыҙҙарҙы яңы ижади асыштарға, үрҙәргә әйҙәр өсөн нигеҙ булып торор, артабан да дәртләнеп эшләргә көс бирер.