Исемағинәйҙәре әүҙем эшләй

Бөгөн Исем ауылы ағинәйҙәре Түкәт ауылы эргәһендә ерләнгән Ҡуйбикә ҡәберлегенә зыярат ҡылды. Ауыл ҡатын-ҡыҙҙары менән осрашып, арҙаҡлы ил ҡыҙы рухына аят бағышланылар. - Ҡуйбикә Бәндәбикәнең ҡарындашы булыуы ихтимал тигән фараздар бар. Ауыл халҡы уның мәңгелек төйәген кәртәләп, билдәләп ҡуйған. Уның рухына доғалар бағышлап, ил-йортобоҙға именлек теләнек. Ауыл эргәһендәге матур урындарҙы барып күрҙек, тәмле шишмә һыуынан ауыҙ иттек. Ҡырҙан ҡайтҡас, мәсетте барып күрҙек, Түкәт ауылының уңған ҡатындары менән һөйләшә-һөйләшә сәй эстек, киләсәктә бергә-бергә эшләргә, ағинәйҙәр ҡоро эшмәкәрлеген тағы ла әүҙемләштерергә килештек, - тип уртаҡлаша тәьҫораттары менән Исем ауылының ағинәйҙәр ҡоро ағзаһы Люциә Яҡупова.

Исемағинәйҙәре әүҙем эшләй