+24 °С
Ямғыр
МӘҘӘНИӘТ
2 Июнь 2022, 10:59
Шат балалар - яҡты киләсәк
Кисә район үҙәгендә йәмле паркта “Шат балалар – яҡты киләсәк!” девизы аҫтында уҙғарылған байрам саралары ла күңелдәргә тик яҡты тәьҫораттар уйып ҡалдырҙы. Балалар район мәҙәниәт һарайы артистары ойошторған флешмобта бейеп, ҡыҙыҡлы уйындарҙа әүҙем ҡатнашты. Райондың һәләтле уҡыусыларына, йырсы һандуғастарына айырым иғтибар бүленде. “Ватаныма дан йырлайым!” патриотик йырҙар бәйгеһендә еңеүселәр аҡсалата бүләк алып ҡыуанды. Ансамблдәр араһында лайыҡлы 1-се урынға Мораҡ башҡорт гимназияһының 4-се “а” класы уҡыусылары (етәксеһе Лира Алаберҙина), 2-се урынға Подгорное ауылының “Ынйыҡай” (Лариса Рәхмәтуллина), 3-сө урынға шул уҡ ауылдан “Уңыш” төркөмө (Людмила Обухова) лайыҡ булды.
Шат балалар - яҡты киләсәк
Дуэттар араһында Йомағужанан Роман Шәймарҙанов менән Айрат Алтынбаевтар 1-се, “Ныҡ егеттәр”төркөмө (Эльвира Төхвәтуллина) 2-се урынға; Мораҡ башҡорт гимназияһы уҡыусылары (Әлиә Садыҡова) 3-сө урынға сыҡты.
Солистар араһында беренселекте Маргарита Мәүлетҡолова (Мораҡ башҡорт гимназияһы), Назаркино ауылынан Снежана Әбдрәхманова (етәксеһе Светлана Копылова), 2-се урынды Тәүәкәндән Азалия Шәһәрова, Алмаз Йәнтилин (Гөлдәр Әбдрәхимова), Подгорное ауылынан Анастасия Бакаева (Людмила Обухова); 3-сө урынды Мораҡ башҡорт гимназияһынан Йәсминә Борисова, Глеб Казаков менән Наталья Шнейгер, Алмаз Сабитов (Әлиә Садыҡова) яуланы. Байрам күрергә килгән балаларға Кәнфит апай (Зөлфиә Илмөхәмәтова) тәмле приздар өләште.
Тарих һәм тыуған яҡты өйрәнеү музейы директоры Рөстәм Сәйетбатталов “Беҙ – ҡыпсаҡ ырыуынан!” рәссамдар бәйгеһе еңеүселәрен бүләкләп үтте.
Парктағы ҙур байрам эңгер төшкәнсе дауам итте. Бында балалар күбек диңгеҙендә ҡойоноп кинәнде. Балаларыбыҙҙың йөҙҙәрендә һәр саҡ шулай нур балҡыһын! Бәхетле балалар – һау, ныҡлы йәмғиәт һәм яҡты киләсәк!
