Тантана сәбәпселәрен район хакимиәте башлығының ауыл хужалығы буйынса урынбаҫары Михаил Чижков үҙе һәм район етәксеһе исеменән ихлас тәбрикләп, һөнәри оҫталығы менән айырылған эшсәндәргә район хакимиәте башлығының маҡтау ҡағыҙҙарын һәм рәхмәт хаттарын тапшырҙы.
Район мәҙәниәт бүлеге начальнигы Рәмзиә Хөснуллина был өлкәләге ҡаҙаныштарҙы барлап, халыҡтың рухи һаҡсылары булған намыҫлы хеҙмәткәрҙәргә рәхмәт һүҙҙәрен еткерҙе, үҙ эшенең оҫталарын бүләкләп үтте.
Исемле йылда мәҙәниәт хеҙмәткәрҙәренең иңдәренә айырыуса ҙур яуаплылыҡ, ҙур бурыстар төшә. Арымай-талмай эшләр өсөн тынмаҫ илһам, күңел күтәренкелеге, яҙғы ташҡындарҙай көс-дәрт юлдаш булһын үҙҙәренә!