+28 °С
Болотло
МӘҘӘНИӘТ
16 Март 2022, 09:55
Илатҡан да, йыуатҡан да театр...
1943 йылда барлыҡҡа килгән һәм күп йыллыҡ тарихҡа эйә булған район театры әлеге көндә “Наҙлыйылға” исемен йөрөтә. БАССР Мәҙәниәт министрлығы ҡарарына ярашлы, бай репертуары менән халыҡты һөйөндөргән коллективҡа 1976 йылда уҡ “халыҡ театры” исеме бирелә. Составы йылдан-йыл үҙгәреп торһа ла, “Наҙлыйылға”лар һаман да сәхнә түрендә, тамашасыларҙы яңынан-яңы спектаклдәр менән һөйөндөрөп тора. Мәҙәниәт бүлеге хәбәр итеүенсә, кисә улар Күгәрсен ауылының “Умырзая”, Юлдыбай ауылының “Ҡайынтау”, Бикбулат ауылының Шакир Янбаев исемендәге театрҙары менән бер рәттән “халыҡ” исемен раҫлаған (коллективтар өс йыл һайын бындай дәрәжәле исемде лайыҡлы йөрөтөүен иҫбатлап торорға тейеш).
Илатҡан да, йыуатҡан да театр...
Һәүәҫкәрҙәрҙең сығышын БР-ҙың атҡаҙанған мәҙәниәт хеҙмәткәре, РФ Театр әһелдәре союзы ағзаһы, Республика халыҡ ижады үҙәгенең театр жанры буйынса баш белгесе Тәнзилә Ҡалмурзина, район хакимиәтенең мәҙәниәт бүлеге начальнигы Рәмзиә Хөснуллина, район мәҙәнитә һарайы директоры Илшат Илмөхәмәтовтан торған баһалама төркөмө баһалаған.
