Башҡортостанда башҡорт полкы командиры Ҡаһым түрәгә арналған мәҙәни үҙәк эшләй башланы

Үҙәкте асыуҙа Башҡортостандың мәҙәниәт министры урынбаҫары Рәнис Алтынбаев, Башҡортостан Республикаһының Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге директоры Данир Ғәйнуллин, Милли музей директоры Альбина Ярмуллина, тарихсы Нурислам Ҡалмантаев, Бөтә донъя башҡорттары ҡоролтайының Аҡһаҡалдар советы рәйесе урынбаҫары Вельмир Аҙнаев, яҙыусы Ғәлим Хисамов, рәссам Файзрахман Исмәғилев һәм башҡа мәртәбәле ҡунаҡтар ҡатнашты.

Башҡорт ҡоролтайының матбуғат хеҙмәтенән хәбәр итеүҙәренсә, концерт программаһы, музей буйлап экскурсия, ағас ултыртыу ойошторолдо. Түңәрәк өҫтәлдә музейҙың артабанғы үҫеш мөмкинлектәре тураһында фекер алышынды.

Фото: Бөтә донъя башҡорттары ҡоролтайының матбуғат хеҙмәте