Шағир Рәмил ЙӘНБӘКТЕҢ тыуыуына - 68 йыл

ТалпыныуКире һүрмә мине уйҙарымдан,Инҡар итмә алһыу хыялды.Ғажиз булдым юлым ҡамалыуҙан,Тоғро күреп аҡыл тыйғанды.Йондоҙ ише, йымылдаша йәндәҮткәндәрҙән ҡалған гөл-өмөт.Зар-сырмауҙан итәм ҡотолмаҡҡа,Туҡтаталмаҫ һис бер бик, өгөт.Шулай кәрәк, тиеп йәшәнем мин,Әҙәп һаҡлап, хисем тымыҙҙым.Тик хәтерҙән мәңге юйылманыБуйы-һыны, моңо ул ҡыҙҙың.Тәүәккәлдәр генә таш яра тип,Баш ярмаҡсы булам ҡартлыҡта.Ҡамауынан йылдар ысҡындырмаҫӘүәлге хис, тәүге сафлыҡты.Кире һүрәм йәнә уйҙарымды,Биккә тығам алһыу хыялды.Ымһындырған йондоҙ балҡышынанӨҫтөн, ахыры, аҡыл тыйғаны.Мөхәббәткә яңы йырИх, йәшәгем килә өр-яңынан,Их, һөйәһем килә яңынан.Теләктәрҙән телем телгә йоҡмай,Хыялдарҙан йөрәк ярыла.Беләм хәҙер ғишыҡ ҡәҙерҙәрен,Ҡайнар хис баһаһы юғары.Данлай беләм һөйөү нескәлеген —Ҡасмам Пегасымды туғарып.Уҙған йылдар, оҙон юлдар ашаЙөрәгемдә артҡан сабырлыҡ.Ошо сабырлыҡты һөйөүемәАп-аҡ япма итеп ябырлыҡ.Беҙ икебеҙ япма-сымылдыҡтаТатырбыҙ ҙа ожмах ләззәтен —Йыһан киңлегенә күтәрербеҙМөхәббәтте ҙурлау ғәҙәтен.Ер йөҙөнөң һәммә кешеләре,Иркәм, шулай беҙҙән нур алыр.Инде юғалһаҡ та — үкенесһеҙ:Ҙур мөхәббәт,Ошо йыр ҡалыр.*** Беҙ ҙә арғымаҡ инексе:Ел-дауылдар уйнатып,Елдек йәшлек юлдарынан —Мәңгелек тип уйланыҡ.Мәңге түгел икән йәшлек —Ғүмерҙең тик бер мәле.Унда мәңгегә ҡалырғаҺис кем тапмай әмәлен.Беҙгә лә йүгән кейелде,Ауыҙлыҡтар сәйнәтеп.Ошо тәҡдир һәр быуынғаКилеп тора әйләнеп.Һабан һөрҙөк.МуйындағыҠамыттар шыпа еүеш.Тәртәгә бикләй яҙмыштар —Тормошта шулай тейеш.Аҡыл керҙе сал баштарға,Таныныҡ хаталарҙы.Үкенес тулы ошо мәлҒүмер тип аталамы?!Инде тиҙҙән, бик-бик тиҙҙәнЙүгәнде һалдырырҙар.Хатта тәүләп — һәм мәңгегә! —Тышауһыҙ ҡалдырырҙар.Ул ирек хәҙер нимәгә?Нимәгә йәшел болон?...Унда елә бүтән тайҙар,Уйнаҡлай йәп-йәш ҡолон.

Добавить в предпочтительные источники Google