Хөрмәтле мәҙәниәт хеҙмәткәрҙәре һәм тармаҡ ветерандары! Һеҙҙе һөнәри байрамығыҙ - Рәсәй мәҙәниәт хеҙмәткәрҙәре көнө менән ҡайнар ҡотлайым!

Мәҙәниәт өлкәһендә эшләүселәр мәҙәни мираҫты тергеҙеү, һаҡлау һәм арттырыу, рухи байлыҡты, тәжрибәне быуындан-быуынға тапшырыу буйынса ентекле эш алып бара.Районыбыҙ төрлө-төрлө һәм үҙенсәлекле мәҙәни байлығы менән хаҡлы рәүештә ғорурлана ала. “Халыҡ” һәм “өлгөлө” исемдәрен йөрөткән ижади коллективтарыбыҙ ҙа беҙҙең ғорурлығыбыҙ булып тора. Беҙ һеҙҙең ҡаҙаныштарығыҙға, төрлө конкурстарҙа, фестивалдәрҙә еңеүҙәрегеҙгә сикһеҙ ҡыуанабыҙ.