Үтәбайға – 60!

Бөгөн башҡорт яҙыусыһы, шағир һәм журналист, Башҡортостан яҙыусылар союзы ағзаһы, БР һәм РФ Журналистар союздары ағзаһы, БР-ҙың атҡаҙанған мәҙәниәт хеҙмәткәре, Шәһит Хоҙайбирҙин исемендәге премия лауреаты Әхмәр Ғүмәр улы ҮТӘБАЕВҡа -60 йәш!Ике алма Ниҙәр генә уйлап, нигә юрап Бүләк иттең икән пар алма? Янған йөрәк шифа табыр микән Алма һутын һалһам ярама? Ни уйларға белмәй тәҙрәләрҙән Оло юлға бағам. Алмаға Ниндәй теләк-нәҙер әйттең икән- Билдәлелер бары Аллаға. Ике ҡулда –ике алһыу алма, Һалып киттең тәрән уйҙарға. Төштә түгел, өндә алма биреп Әйҙәүеңме икән айҙарға? Ике алма-ике юлдың саты- Тәгәрәне төшөп һикегә. Оло юлға илтһә бер алмаһы, Бер алмаһы тартты кирегә. Бүленә (а)лмам тик шул икегә... Ике ҡулда –ике алһыу алма, Ә күңелдә –хистәр бураны. Пар алмалар, тимен, бүләк итеп, Бөтөнлөккә микән юраның? Ике ҡулда –ике алһыу алма- Был йомаҡты нисек сисергә? Әйтер һүҙең һинең аңламаһам, Таба (а)лмаһам яуап кисер, ә?