Исемең матур - кемдәр ҡушҡан

Төпсән ауыл клубында башҡорт теле көнөнә арналған “Исемең матур - кемдәр ҡушҡан” исемле байрам булып үтте.

Сара әхирәттәрҙең ҡорама ҡорау күренешенән башланып китте. Ултырмаға йыйылған әхирәттәр
хужабикәнең ейәнсәре тыуыу тураһындағы шатлыҡлы хәбәрҙе ишетеп, сабыйға изге теләктәрен теләп, исеме есеменә тура килеп торорлоҡ еңел, асыҡ әйтелешле мәғәнәле исемдәр тураһындә әңгәмәләшеп, таҡмаҡтар әйтешеп, илһөйәрлек менән телһөйәрлектең ғаиләнән башланыуын билдәләп үттеләр.

Сабыйҙың донъяға килеүе шатлыҡлы ҡыуаныстар менән бер рәттән ҙур яуаплылыҡ та өҫтәй.Шуларҙың береһе -исем атау. Башҡорт халҡы элек-электән исем ҡушыуға ҙур яуаплылыҡ менән ҡараған. Эйе, телебеҙгә ихтирамлы булған кеүек, исем һайлағанда ла иғтибарлы булайыҡ. Бына, мәҫәлән, күптән түгел ауылыбыҙҙа донъя көткән ағалы -ҡустылы Иҙрисовтар ғаиләһендә донъяға килгән сабыйҙарға Илһөйәр һәм Илсаф тип исем биргәндәр. Ниндәй матур мәғәнәле исемдәр! Сабыйҙар инсафлы , илһөйәр булып үҫһен!

Илебеҙҙе, телебеҙҙе хөрмәт итәйек, балаларыбыҙға үҙебеҙсә исемдәр бирәйек. Шағир әйтмешләй, “Бер телдән дә телем кәм түгел...”
Кисәбеҙ Рәми Ғарипов, Ғабдулла Туҡай шиғырҙары, башҡорт исемдәренә яҙылған йырҙар, таҡмаҡтар менән үрелеп барҙы. Үҙебеҙҙең “Етегән” фольклор коллективынан тыш, Ыуарынан Тәслимә Сәғитова шиғыр бүләк итһә, Ялсы ауылынан Наҙгөл Ишдәүләтова матур йыр һәм дәртле бейеүен алып килгән. Вадим Сәғитов сарабыҙҙы музыкаль яҡтан биҙәне.

Һүҙемде йомғаҡлап шуны әйткем килә: балаларыбыҙға милләтебеҙҙең йөҙөк ҡашы кеүек күңелдәрҙе үҙенә тартып торорҙай исемдәрҙе уйлап ҡына ҡушайыҡ, йәштәргә лә шуны өйрәтәйек. Йырҙағыса “Исемең матур кемдәр ҡушҡан, һине күреп кем туйған” тиеп әйтерлек булһын балаларыбыҙҙың исемдәре!

Резеда АЙЫТҠУЖИНА.
Төпсән ауылы.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77