Ағиҙел буйының моңло һандуғасы

Йыр-моңға ул бала саҡтан ғашиҡ. Тәүҙә ул күңел өсөн генә, үҙе өсөн генә йырлаһа, бынан ун йыл самаһы элек “Күгәрсен һандуғасы” район ижади бәйгеһенә сығырға йөрьәт итә. Унда Риф ағай хәҙер инде радионан йыш яңғырап торған “Булмаһын юғалтыуҙар” йыры (Зилә Янбулатова һүҙҙәре) менән үҙе синтезаторҙа уйнап, сығыш яһай. Ошо моңло йыр уға дан һәм танылыу алып килә лә инде. Әле йырсының репертуарында бихисап башҡорт эстрада һәм халыҡ йырҙары тупланған, уның йырҙары “Юлдаш”, “Ашҡаҙар” радиоһы, телевидение аша йыш яңғырап тора, ижадташ дуҫтары менән төрлө райондарҙа концерт менән дә сығыш яһайҙар. Ҡайҙа ғына барһалар ҙа, зал тулы халыҡ йыйыла.