Арҙаҡлы яҡташтарыбыҙҙың исемен данлап...

Көҙгө каникул Ялсы, Һапаш, хоҙайбирҙиндар өсөн иҫтә ҡалырлыҡ булды - октябрҙең һуңғы көнөндә халыҡ Хоҙайбирҙин ауыл мәҙәниәт йортона бейеү байрамына һәм Рәзилә Рыҫҡужинаның Тамара, Маһруй һәм Шәһит Хоҙайбирҙиндарға арналған “Һүнмәҫ йондоҙҙар” китабының исем туйына йыйылды.

- Мин был байрамға бик теләп, ашҡынып килдем. “Һүнмәҫ йондоҙҙар” тигән китабымдың исем туйын үткәреп, һеҙ арҙаҡлы яҡташығыҙҙың исемен йәнә бер ҙурланығыҙ. Был китапты сығарыуҙа ошо ауыл уҙаманы Винер Аҙнағолов ҙур ярҙам күрһәтте.

Оҙон һүҙҙең ҡыҫҡаһы итеп шуны әйткем килә: үҙ белдеге, үҙ көсө, ниәте менән күгәрсендәр Хоҙайбирҙиндарҙың исемдәрен мәңгеләштереүҙә ошолай аныҡ эштәр башҡара. Бәләкәй генә бәйгеләрҙән башланғыс алған бейеү байрамының Тамара Хоҙайбирҙина исемен байраҡ итеп күтәреп, үҙ географияһын киңәйтеп, матур традицияға әйләнеп китеүен теләйем. Минең бәләкәй генә ижадымды ололауығыҙ өсөн ҙур рәхмәттәремде еткерәм, - ти автор Рәзилә Ишбулды ҡыҙы.

Сараның икенсе өлөшөн “Бейеү алиһәһе” бейеү конкурсы дауам итте. Икенсе йыл рәттән уҙғарылған конкурста ауыл биләмәһе балалары үҙ һәләттәрен күрһәтте.

Балалар баҡсаһы тәрбиәләнеүселәре менән мәктәп уҡыусылары үҙҙәренең сағыу-сағыу бейеүҙәре менән хайран ҡалдырҙы. Тамашалар залының халыҡ менән тулы булыуы ла ҡыуандырҙы.

Бөтәһе 14 бейеү булды, шуның өсәүһен балалар баҡсаһына йөрөгәндәр бейене. Уларҙың һәр ҡайһыһы дәүррәү алҡыштарға лайыҡ булды. Әммә бәйге булғас, еңеүсеһе лә була: Ялсы балалар баҡсаһы, 5-се класс уҡыусылары һәм Алһыу Сабанчина тәүге урынға сыҡты. Шәһит Хоҙайбирҙиндың яҡын туғаны Наилә Исмәғилева менән Ялсы ауыл биләмәһе башлығы Ирек Юдаевтың ҡатнашыуы һәм матди ярҙам күрһәтеүе сараға йәм өҫтәне.

Динара ӘМИНЕВА.

Хоҙайбирҙин ауылы.

Читайте нас:

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77