-4 °С
Болотло
Бөтә яңылыҡтар
МӘҘӘНИӘТ
10 Октябрь 2019, 14:43
Гөлшат ВӘЛИЕВА, РФ һәм БР журналистар Союзы ағзаһы Аһ, был көҙҙәр! Берсә ямғыр булып, Берсә яҙҙар булып бөркөлә...
Гөлшат ВӘЛИЕВА, РФ һәм БР журналистар Союзы ағзаһы Аһ, был көҙҙәр! Берсә ямғыр булып, Берсә яҙҙар булып бөркөлә... Ғашиҡ бул, тиһең дә (шағирға) Ғашиҡ бул, тиң дә... Рөхсәт итәһеңме, Әйҙә, ғашиҡ булам үҙеңә! Шаян, тура, ғәҙел, кинәйәле Көс-ҡеүәтле һәр бер һүҙеңә; Үпкә-рәнйеш, Үс-нәфрәтте белмәҫ Көләс йәйҙәй күркәм холҡоңа, Ҡәләмеңдән тамған күңел көйөң – Бағышланған туған халҡыма; Йыһандай киң, Алсаҡ яҙыма тиң Таңғы елдәй иркә ҡарашыңа, Һәр миҙгелдең нағышынан йыйған Йәнеңдәге йәйғор балҡышына... Теләйһеңме, Ғашиҡ булам һиңә? Тик мәңгегә! Түгел бер мәлгә. Терелтәһең? Һөйөүҙәрһеҙ йәнһеҙ Йөрәгемде бирәм үҙеңә!БӨТӘ ШИҒЫРҘАРҘЫ САЙТТА УҠЫРҒА МӨМКИН:
Ғашиҡ бул, тиһең дә
(шағирға)
Ғашиҡ бул, тиң дә...
Рөхсәт итәһеңме,
Әйҙә, ғашиҡ булам үҙеңә!
Шаян, тура, ғәҙел, кинәйәле
Көс-ҡеүәтле һәр бер һүҙеңә;
Үпкә-рәнйеш,
Үс-нәфрәтте белмәҫ
Көләс йәйҙәй күркәм холҡоңа,
Ҡәләмеңдән тамған күңел көйөң –
Бағышланған туған халҡыма;
Йыһандай киң,
Алсаҡ яҙыма тиң
Таңғы елдәй иркә ҡарашыңа,
Һәр миҙгелдең нағышынан йыйған
Йәнеңдәге йәйғор балҡышына...
Теләйһеңме,
Ғашиҡ булам һиңә?
Тик мәңгегә! Түгел бер мәлгә.
Терелтәһең? Һөйөүҙәрһеҙ йәнһеҙ
Йөрәгемде бирәм үҙеңә!
Һинең күҙҙәр
Кисә генә ярты йөрәк ине,
Тотош болот – күңел күктәре.
Күҙҙәреңдең нуры яғылдымы,-
Бөгөн килеп яҙҙар күкрәне.
Кисә генә үкһегәйне күңел
Яңғыҙлыҡтан тапмай әмәлен.
Сыуаҡ көҙҙәр?
Әллә һинең күҙҙәр
Ҡалдырманы болот әҫәрен.
Кисә генә ярым йәтим ине,
Бөгөн йәнем, гүйә, бербөтөн.
Төпһөҙ зәңгәр серле күҙҙәреңдең
Нуры булһам икән, их, үҙем!
Һинһеҙ...
Көпә-көндөҙ юлдар аҙаштыра
Күңел ҡояшҡайың һүнгәндә,
Был ерҙәрҙә күкрәгәнмен йәшнәп,
Бәхет ҡошом, тин һин һөйгәндә.
Һинһеҙ йәйғор төҫһөҙ, Ләйсәнһеҙ,
Боҙло иртә... нисек түҙергә?
Биш яҙымды алмаштырыр инем
Парлы үткән алтын көҙҙәргә!
Көҙҙәр – һуңлап,
ҡыштар елеп килә
Көтөр кешең әгәр булмаһа,
Дәрт-ҡеүәһеҙ йөрәк тиҙерәк тала,
Яңғыҙыңа һутһыҙ һыу, һауа...
Күңел китек – ҡылы өҙөлгәндә,
Тигеҙ ерҙә йөрәк ҡыйыла,
Әсе һүҙҙәр фәҡәт йәрһеҙҙәргә
Төбәп атҡан уҡтай тойола.
Айлы төндә юлдар аҙаштыра,
Көпә-көндөҙ ойотоп һаташтыра.
Беләм, йәнем,
көтөүҙәрем бушҡа,юҡҡа –
Һуҡмаҡтар юҡ баҡыйлыҡтан фанилыҡҡа!
2019 йыл.
Яңғыҙлыҡ – дошман
Бер көн килеп, алды боғаҙымдан
Көтөлмәгән, ендәй дошманым:
- Бәхет утрауында аҙашҡанда
Онотҡайның ерҙә мин барын.
Пар ҡанатың донъя айҡағанда,
Һылыу, шөкөр итә белдеңме?
Һәр иртәлә “бәғеркәйем” тиеп,
Ҡуңыр күҙҙәренән үптеңме?
Өс тағандай өс алтыным өсөн
Рәхмәт, тиеп башың эйҙеңме,
Һинең менән йортом ырыҫлы,
Ҡалҡаны һин
ғаиләм-ҡәлғәмдең тип,
Тулҡын сәстәренән һөйҙөңмө?
...Һөйҙөм сикһеҙ.
Тик бер һүҙһеҙ генә.
Йәшерен бикләп йөрәк серҙәрен.
Үкенестәр!.. - ҡотолор әмәл дә юҡ,
Үрмәкселәй үргән селтәрен.
Йән-йәркәйһеҙ йылы табам, тимә,
Өткөс хатта көҙҙөң томаны.
Дуҫың түгел, дошманыңа бирмә,
И, Хоҙайым, бындай дошманды!
2018 йыл.
Һағыныу
(Һөйөү йыры)
Төн пәрҙәһен йыртып зәңгәр болот
Рәхәтләнеп йәшен түкте үкһеп,
Һағыныуҙан ярһып өҙгәләнгән
Йәнкәйемә һағыш елен өрөп.
Һин, тип илай көҙҙөң ямғырҙары,
Һин, тип тама һәр бер тамсыһы.
Һөйөүеңдең көҙҙән араларға,
Иркәм, етә тик бер тамсыһы!
Мең саҡрымдан ҡарашыңды тойоп,
Тойоп йөрәгеңдең тибешен,
Ҡоям төндә көҙҙөң нағышынан
Аҡ ҡағыҙға һөйөү емешен –
Һин, тип тыуа яңы һөйөү йырым,
Һин, тип тама иҙрәп моңдары,
Тик үрелһен яҡты нурҙан ғына,
Аҡ ебәктән йөрөгән юлдарың.
Яҙмыш һынауынан арып-алйып,
Һулып барған ерҙән йән өрҙөң.
Төн пәрҙәһен асып, ғүмеремдең
Һағыш көҙҙәренә яҙ өрҙөң.
Һин, тип ҡояш офоҡтарға ауа,
Һин, тип тыуа көлөп һәр таңым.
Тормошомдо йырлы-нурлы иткән
Әлдә ярай ерҙә һин барһың.
2007 йыл.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77