“Ниндәй йыр яратҡаныңды әйт һәм мин һинең кемлегеңде әйтеп бирәм”

“Ниндәй йыр яратҡаныңды әйт һәм мин һинең кемлегеңде әйтеп бирәм” Музыка. Көй. Йыр. Кеше тормошон ошо нәмәләрһеҙ күҙ алдына килтереүе лә ауыр. Йырлай белгәне йырлап, йырлай белмәгәне мөңрәп булһа ла, күңел аса, һағышын баҫа. “Дуҫыңдың кем икәнлеген әйт һәм мин һинең кемлегеңде әйтеп бирәм” тигән рус халыҡ мәҡәлен бер аҙ үҙгәртеп, “Ниндәй йыр яратҡаныңды әйт һәм мин һинең кемлегеңде әйтеп бирәм” тигәндәй, кешенең ниндәй йыр-моңға өҫтөнлөк биреүенән уның кемлеген генә түгел, холҡон да белеп була, тиҙәр. Ә һеҙ ниндәй йырҙарҙы яратып тыңлайһығыҙ, дуҫтар? Музыка кеше күңеленә генә түгел, һаулығына, хатта яҙмышына тәьҫир итерлек көскә эйә тигән һүҙҙәр менән килешәһегеҙме? Һуңғы йылдарҙа айырыуса киң таралған "бер көнлөк" йырҙар тураһында ниндәй фекерҙәрегеҙ булыр? Әйҙәгеҙ, хөрмәтле төркөмдәштәр, ошо хаҡта һөйләшәйек, фекер алышайыҡ, бәхәсләшәйек һәм үҙебеҙҙең яратып тыңлаған йырҙарҙы комментарийҙарҙа тәҡдим итәйек.